Friday 25 September 2009
اليوم قعدت افكر بكل صراحــة ,, وواجهت نفسي
انا في شو مقصرة في حق ربي ..وطبعا القصور مازرني من ساسي لين راسي,,
يمكن خارجيا فيني نوع من الالتزام ..والتعصب ,بس داخليا احس انه فيني قصووور رهيب،، ما هو نفاق ولا اقصد الريــــآآء حشى لله ..ااقصد الشوووق لربي رب الارض والسمــــآآء,,
الشووق اللي انقصر عني ..الانشغال بأمور دنيوية حقيرة ,,ربي لا تشغلني بما خلقته لي واشغلني بما خلقتني له
يالله اشتقت لكــ يالرحمن ،، ما هو هذا الشعور الذي ينتابني اهو غضب منك يا قوي ,, ام هو بعد مني فرزقت الضنك ..! سبحانك لك العتبى حتى ترضى...!
وين التسبيح ووين الاستغفار وين الصلاة ع النبي ,,, والا بس اكتفي بالاذكـــار الصباحية لا مرات وانا نعسانه اقرااهن .. استغفر الله العظيم ,,,احــــس انا لازم نبدأ بالتجهيز ليوم الحساب ,, اكيد حسابي فبنك يوم القيامه =0
ليش ما نبدأ مشرووع انسميه مشروع الجنة ..الفروق بينه وبين مشاريع الجامعه بسيطه ..مشروع الجنة موعد تسليمه يوم الحساب،، اما مشروع الجامعه مرتبط بالدكتور..كلهن ان بيضت الويه فيهن وشديت حيلك كسبت وجه نضر ومسرور ....اول شي بنبدأ فيه في مشروعنا...هو
"" بخليكم ويا هالشوف اللي يشررح النفس ..وعقب نكمل ,,
اضغط هنـــــآ
الصلاة ليش ما نبدأ نأديها ونحن مشتاقين لها ..ليش نحس انها شي ولازم انسويه ويالله نخلص منه ,,ليش ما نستلذ بوصل الحبيب ،، مب الصلاة مأخوذة من الصلة ..
ليش ماا انفكر انها بتكون صلاة مودع ,,ليش ما ننحني من طولنا ونسجد ونحن مشتااقين لتمريغ الجباه للعزيز الجبار
ليش ماا انفكر انها بتكون صلاة مودع ,,ليش ما ننحني من طولنا ونسجد ونحن مشتااقين لتمريغ الجباه للعزيز الجبار
ليش ما نركز فيها عدل ..يالله بنبدأ.. وكل حد عاقد النية على هالشي // مب لازم ننغمس فواجباتنا الدينية مرة وحده وبكل قوة ،، لا لانه ما غالب الدين الا غلبه.. الله الله باليسر والتمهل ،، نمشي فيه بابتسامه واثقة ,, بنبدأ بالصلاة .. من اليوم .. وكل حد يقول تجربته ...وللحديث بقية ....!
5 Comments:
Subscribe to:
Post Comments (Atom)
وهي العفاف اذا دعيت إلى سعير الشهوتي
يارب فاجعل في الصلاة حياة هذه الأمة
يجزى المصلي بالجنان وفي صلاتي جنتي
::::
ونِعم المشروع والله هو مشروع الجنه
ربي يجمعنا وإياكن بالفردوس الاعلى
واعاننا على ذكره وشكره..
امتلأت عيناي بالدمع من هذه التدوينه
يااااارب عفوك كم نحن مقصرووون في حقك
بس يباله همه.. ويباله طولة بال..و يباله صبر
((وبشر الصابرين))
اكيد بتواجهنا مليون عقبه لو بغينا نلتزم
مب مشكله لو تعثرنا وطحنا من اول عقبه
المشكله انه نستسلم
بس لو كل شخص يشجع الثاني
ويعاون اخوه في دينه ودنيااه
ان شاء الله بيكون مصيرة الجنه
يزاج الله خير ع الموضوع الغاوي
ونتمنى كل من يقرا يطبق اللي يقراه
والله يوفجكن يارب
اختج صمت
ودنا نختصر لج كل اللي نريد نقوله لج في كلمتين بس"" يعلج الجنـــــة"" كلامج ولو انه عبر مادار في بالج بس رفع معنوياااتنا فوووق فوووق وفرحنا ..وان شاء الله نحن رباعة بنتعاون ..وجزانا عند الرحمن ,, والملتقى تحت عرشه سبحانه .. دمتي بوود!
الامور طيبة ياختي ..نحن ان بغينا انسير فهالدرب ..بنسير فيه بالهوون وفاحسن ماايكوون ..
ما بنخطو خطوة الا اذا ارتاحت نفسنا لها واقتنعنا بها ..نحن نبا نلتزم بالالتزام الصح الميسر ...
يعل الله يسر لج درب الى الجنة ..
حد يبغي الالتزام للجنة والثواب
وحد الخوووف من العقاب ،،
وحد حبا في الرحمن وعشقا للوصول اليه
وحد كلهن هالثلاث متجمعات فيه ...ويعلج والجميع منهم ..بشيرين دوم عنج وعن متابعتج لنا وافكارج ..وان شاء الله انا بنتعااون ربااعه ..الله يسهل لج دروبج ..
.
.
y3laah fe mezaan 7snaatij .. ~
.
.
.
3abraaat ~
.